Ang biktima giila nga si alyas “Dindin,” usa ka glass installer ug residente sa maong lugar. Dali siyang gidala sa ospital ug karon anaa na sa luwas nga kahimtang.
Sumala sa imbestigasyon sa kapulisan, kalit lang misulod ang usa ka wala mailhing lalaki nga nagbonnet ug helmet ug dayon gipusil ang biktima sa upat ka higayon. Human sa insidente, mikalagiw ang suspek sakay og motorsiklo padulong sa Los Amigos area.
Sa follow-up operation sa kapulisan, positibong nailhan ang suspek nga si Arnel, 37-anyos, nga giingong adunay dugay nang panaglalis sa biktima tungod sa isyu sa right of way, nga ginalantaw nga maoy hinungdan sa panagbangi ug pagpamusil.
Sa karon, ang suspek anaa na sa kustodiya sa kapulisan, samtang narekober usab ang .45 kalibre nga pusil nga gigamit sa krimen ug giandam na usab ang kasong frustrated murder batok sa maong suspetsado.
RadyoMaN Kareen Beltran
