Dili pag-require sa pagsul-ob og uniporme sa mga estudyante, gisuportahan sa DepED-9

16
Pagadian City – Suportado sa Department of Education Region-9 ang sugyot nga gipahibalo ni Vice President ug DepEd Secretary Sara Duterte nga pwede na nga dili mag-uniporme ang mga bata.
Sumala ni Dahlia Pagaras, ang Information Officer sa DepED-9, uyon sila sa naasoy nga laraw sa tumong nga dili mapugos o mabug-atan ang mga ginikanan sa pagpalit og mga school requirements ilabi na karong panahona nga lisod pa gihapon ang kahimtang tungod sa epekto sa pandemic.
Apan giklaro sa DepEd nga ang suoton sa mga estudyante nga dili mag-uniporme katong pormal nga tan-awon nga haom para sa tulunghaan.
Hinoon kon dunay ikapalit og uniforme mamahimo usab kining isul-ob ug dili man kini makapalit walay pinugsanay.
Angay masayran nga ang Balik Eskwela sa mga bata magsugod sa klase karong Agusto 22 ug hingpit nga ipatuman or full implementation sa bulan sa Nobyembre.
Facebook Comments