General Santos—Hugot nga gipanghimakak ni Bryan Carasco, 24 anyos ug residente sa Villegas Subdivision, Brarangay San Isidro ning syudad nga namaligya kini ug iligal nga droga sa dihang gidakop kini sa mga personahe sa police station 4 alas 11.00 pasado ang takna sa buntag sa Sarangani Homes Phase 1.
Sumala pa sa suspect nga wala siya namaligya sa maong higayon ug dugay na kini niundang sa maong binuhatan human nga milingkod na si Presidente Duterte isip pangulo sa nasud, nagpa load lang matud pa kini sa usa ka tindahan sa Nunez Street, sakay sa iyahang sikad ug milakaw apan gigukod na kini sa mga lalaki nga naka sibilyan ug adunay tabon ang nawong ug gina pahunong hinungdan nga nahadlok kini ug nag pabulhot ug padagan nga mi resulta nga hapit niini na bangaan ang usa sa mga pulis nga migukod kaniya.
Samtang giangkon usab niini nga naga gamitan kini ug iligal nga droga apan gi-undangan na matud pa niya kini tungod sa kahadlok nga madakpan sa kapulisan.
Samtang basis a pahayag sa Police Station 4 dugay na nila nga ginasundan ang nasangpit nga suspect ug anaa kini sa ilahang watch list sa illegal drug activity. Nasayran nga kasong paglapas sa R.A 9165 (Comprehensive Dangerous Drug Act 2002) ang gipasang-at nga kaso sa kapulisan batok sa suspetsado. (Dave Silagan)
