General Santos City—wagtang ang motorsiklo sa usa ka lalaki samtang kini nakaparking sulod sa ilang compound sa may Lot 1, Sugod, Barangay Apopong Gensan.
Una nang mireklamo sa buhatan sa Police Station 2 ang usa ka Efren Corsinal, 30, residenti sa samang lugar human nasuta nga nawagtang na ang iyang motorsiklo nga igo lang niining gipark sulod mismo sa ilang compound.
Sa msumbong sa biktima 11:00 pasado sa gabie dihang iyang nadiskobrehan nga nawagtang na ang iyang RS 125 nga Motorsiklo nga dunay plate no. 707425.
Subay usab sa kuha sa CCTV footage nga naka-install sa usa ka balay duol sa compound sa biktima nga usa ka suspek ang misulod sa ilang compound pinaagi sa pagguba sa kural dayon gikuha ang nasangpit nga motorsiklo ug misibat palayo sa lugar.
Dugang pa sa biktima nga wala gyud sila nakamatikod sa pagsulod sa kawatan sa ilang compound. Sa karon padayon ang gihimong imbistigasyon sa otoridad kalabutan sa insidenti.
