Director Castro: "i did my best, but i guess my best wasn’t good enough.."

33

General Santos City— Hingpit ng gihulipan sa pwesto si PDEA 12 Director Gil Cesario Castro human kining makadawat ug relief order milabay’ng Nobyembre 29 ning kasamtangang tuig.

Sumala ni Director Castro nga wala siya’y kasayuran sa hinungdan sa paspas nga pagrelib kaniya sa PDEA 12 kung asa mukabat lang sa napulo ka bulan ug napulo ka adlaw ang iyahang poaglingkod isip labaw.

Apan iyahang gibutyag nga wala siya’y katungod nga kwestyunon ang mando nga gipakanug kaniya gikan mismo sa buhatan ni PDEA Director General Aaron Aquino gumikan isip miyembro sa men in uniform sa nasud, trabaho niya ang mutuman sa unsa mang order nga walay pagkwestyon.

Pag-angkon niya nga bug-at alang kaniya nga biyaan ang rehiyon 12 kung asa ania matud pa makita ang pinaka-isog nga miyembro sa PDEA sa tibuok nasud.

Iyaha man usab gi-awhag ang tanang ahente sa maong ahensya nga dawaton ug suportahan ang bag-ong labaw sa PDEA 12 nga si Velente Fortunato Ma G. Cariño nga gikan sa PDEA-ARMM nga milingkod isip Assistant Regional Director.

Dugang pamahayag ni Castro nga sulod sa napulo ka bulan, iyahang gihimo ang tanan aron nga mahimong drug free ug drug cleared ang tibuok rehiyon 12 apan daw sa kulang gihapon ang iyahang effort.

Busa dako ang iyahang panghinaut nga ipadayon ni Director Cariño unsa man ang iyahang nasugdan.

 

Pasigarbo niini nga sulod sa pulo (10) ka bulan, mukabat sa 175 ka mga operasyon ang ilahang nahimo, 261 ang mga naaresto, mukabat sa 3, 421. 459 ka gramo sa gituuhang shabu ang ilahang narekober samtang 11, 790.21 ka gramo sa gituuhang pinaugang dahon sa marijuana ang narekober ug 7, 100 ang mga na-uproot.

 

 

Kung sumahon, mukabat sa 22, 193, 869.1 ang kantidad sa mga drugang ilahang narekober ug kini maoy pinakadako sa kasaysayan sa PDEA 12.

Facebook Comments