DOH-12 nagpahinumdom nga mag-amping human sa padayon nga pagsaka sa kaso sa COVID-19 sa rehiyon

30
General Santos City–Padayon ang panawagan sa katawhan sa Maayong Panglawas nga doblihon pa ang pag-amping human nga padayon ang pasaka sa kaso sa COVID-19 sa rehiyon 12.

Base sa ulahing datos nga gipagawas sa Department of Health kon DOH-12 nadugangan og 279 ka mga bag-ong kaso ang rehiyon nga rason nga misaka na sa 1,534 ang aktibo nga kaso sa rehiyon, kon asa nag-una ang GenSan nga adunay 698 ka mga aktibo nga kaso, gisundan sa probinsya sa South Cotabato nga adunay 324 ka mga aktibo nga kaso, 228 sa North Cotabato, 93 sa Sarangani ug 91 ang Sultan Kudarat.

Sa mga namatay sa kinatibok-an nga rehiyon anaa sa 2, 329 nag-una ang ang South Cotabato nga adunay 742, gisundan sa North Cotabato nga adunay 607 ang namatay dayon ang GenSan nga adunay 573 ang namatay, 234 ang Sultan Kudarat ug 173 ang Sarangani.

Samtang sa kinatibok-an nga kaso anaa sa 59, 185 gikan sa pagsugod sa pandemya kon asa sa maong ihap 55, 302 niini ang nakarekober na sa nasampit nga sakit.
For more info’s and updates, like and share our official facebook account: www.facebook.com/ifm91.9Gensanofficial/____ #TatakRMN
#IFMAngIdolKongFM
#RMNnetworks
#ReachingMillionsNationwide #RMNFoundation
[image: 44444444444444444444444444444444.jpg]

Facebook Comments