DOH: ‘End of polio outbreak’ gikalipay

25

Davao City – Usaka kalampusan alang sa Department of Health (DOH) ang pagkahuman sa Polio outbreak sa Pilipinas subay sa deklarasyon sa World Health Organization (WHO) ug sa United Nations Children’s Fund (UNICEF).

Kini human nga wala na na-detect ang polio sa bata ug sa palibot sa nakalabay nga 16 ka bulan.


Gipasalamatan sa DOH ang maong kalampusan pinaagi sa national ug local health leaders, partners, healthcare workers, ug uban pang stakeholders.

Matud sa ahensya, kini resulta sa mas komprehensibong outbreak response actions sa Pilipinas pinaagi sa intensified immunization and surveillance activities sa nasud.

Usa ang City Government of Davao sa Local Government Units (LGUs) nga aktibong mipartisipar sa kampanya sa gobyerno batok Polio diin gikalipay sa Davao City Health Office (CHO) nga ubay-ubay ka mga bata sa syudad ang napa-immunize batok polio labi na sa pagsugod sa Coronavirus Disease 2019 (COVID-19) pandemic sa milabay nga tuig.

Nasayran nga adunay 17 nga confirmed cases sa polio panahon sa outbreak gikan 2019 hangtud 2020 ug walay natalang casualty.



RadyoMaN Kirby Manzon

Facebook Comments