Kalibo, Aklan — Nag-abot sa may kapin 74 thousand rong numero it mga namatay sa Pilipinas ko 2016 bangud sa ischemic heart diseases o pagpaeanig-a it mga ugat.
Suno kay Secretary Francisco Duque III nga base sa datus it Philippine Statistics Authority (PSA), ro limang non-communicable diseases nga ginaangot sa pagpanigarilyo ag pinaka dahilan it pagkamatay sa Pilipinas hay kanser, stroke, hypertension, diabetes mellitus ag iba pang sakit sa puso.
Dugang pa ni Duque, nga bangud sa pagpanigarilyo nagataas rong piligro ko pagbilog it dugo ukon blood clot, naga nipis ro mga ugat ag naaabangan ro pagdaloy it oxygen sa dugo.
Maeain man suno kana sa ikaayong eawas rong pagsinghot it second hand smoke.
Pangmabuhayang epekto man suno kana ro pagpundo sa pagsigarilyo rong pagnaba it tsansa nga maka eksperyensya it stroke.
