Kalibo, Aklan – Kapin sa limang milyong peso rong ginpaguwa nga pondo it Department of Labor And Employment (DOLE) bilang bulig sa mga trabahador sa Boracay nga apektado it temporary closure.
Suno sa DOLE, kabilugan nga P5.6 million rong ginpaguwa bilang bayad sa sweldo it 1, 420 nga trabahador sa isla.
Ro mga benepisyaryo hay mga trabahador halin sa informal sector ag mga katutubo nga apektado it pagpasarado.
Ginpangunahan ni DOLE Secretary Silvestre Bello III rong pagtao it sweldo sa mga trabahador sa idaeom it tupad program nga unang batch pa eamang it mga benepisyaryo kung emergency employment.
Samtang 57 man ka miyembro it Ati tribe rong nagbaton it P4,852.50 kada isaea.
Facebook Comments
