Maabo nga balita ro naga guwa makaron eabi eon sa pila ka empleyado kung Division Office ko DepEd Aklan nga indi eon makabalik sa anang puwesto bilang School Division Superintendent si Dr. Jesse Gomez.
Gina sugid nga si Dr. Gomez hay maiga-assign eon sa sa Regional Office it DepEd sa Iloilo base man sa naga-guwa nga mga balita.
Sa pihak nga parte ging hambae ni Dr. Ernesto Servillon Jr. rong nagbueos kay Dr. Gomez bilang officer-in-charge kung DepEd-Aklan nga may mabahoe imaw nga ibalita makaron nga dominggo.
Nasayuran nga makaron nga adlaw natapos do tatlong buean o “90” days suspension kay Dr. Gomez dahil sa gina sugid nga sexual harassment sa sangka eaeaki nga empleyado nga ging isyu ni Education Secretary Leonor Briones kontra kana.
Samtang sa mga oras ngara hay gina hueat-hueat lang namon do kumpirmasyon halin mismo kay Dr. Servillon base man sa ana nga promisa sa raya nga istasyon.
