Gipa-ilawom sa City Health Office sa 14 ka adlaw nga kurintinas si Dr. Ian Christian Gonzales ang Infectious Disease Cluster Head sa Department of Health dinhi sa Northern Mindanao.
Gipasabot ni Mayor Oscar Moreno nga na-estorya ni Dr. Gonzales ang nagpositibo sa corona virus ang asawa ug anak ni Covid patient 6783 nga taga Sityo Pinikitan, Barangay Camaman-an nga unang nag-positibo sa maong virus ug namatay sa Northern Mindanao Medical Center kon NMMC.
Matud ni Moreno nga iyang gi-ampo nga wala untay sintomas si Dr. Gonzales sa Covid-19 sa pagkatapos sa iyang 14 ka adlaw nga home quarantine.
Gipasabot sa mayor nga iyang gidayeg ang walay sukod nga tabang ni Dr. Gonzales pagsulbad sa dakong problema sa Sityo Pinikitan nga unang na kontrobersyal sa Cagayan de Oro tungod sa Covid-19.
-o0o-
