Negatibo sa Coronavirus Disease o COVID-19 ang resulta sa swab testing ni Dr. Joselito Retuya ang Epidemiologist sa City Health Office.
Mao kini ang gibutyag ni Mayor Oscar Moreno basi sa report ni Dr. Bernard Rocha nga Medical Specialist II sa Northern Mindanao Medical Center kon NMMC.
Matud ni Moreno nga sa milabayng tulo ka adlaw, dautan ang paminaw sa lawas ni Dr. Retuya human na-expose og maayo sa ilang kampanya sa city hall pagsumpo sa COVID-19.
Kini ang rason kon ngano nga ang maong doktor, nagbakasyon gikan sa iyang trabaho sa City Health Office.
Apan ang negative result sa swab test ni Dr. Retuya, gikalipay sa Mayor.
Matud ni Moreno, dakong risgo ang trabaho ni Dr. Retuya sa iyang pagpangulo sa contact tracing ning syudad silbing tipik sa ilang kampanya batok sa Covid-19.
-o0o-
