Posibleng ipatawag it Sangguniang Bayan kung Kalibo ro mga driver ag operator it L300 Van sa nasambit nga banwa bangod sa isyu it komisyon sa tunga ko mga tricycle drivers.
Daya hay suno kay Municipal Economic Enterprise and Development Office (MEEDO) head Jesse Fegarido sa RMN-DYKR Kalibo.
Ro MEEDO head hay nagpadaea it sueat sa SB Kalibo kaangot sa report nga anang nabaton sa pilang ka mga operators it van nga may mga naga tao it komisyon sa mga tricycle drivers nga makahatod it pasahero sa andang mga van terminal.
Dugang ni Fegarido, nga kung indi man daya maduea hay dapat nga ma-regulate gid bangod naga tuga eon daya it kumpitisyon sa mga transport group nga naga pataasan it pagtao ko komisyon ag ro iba hay lugi dahil sa uwa man sanda naga tao it incentives sa mga tricycle driver.
Sa makaron nakataeana nga istoryahan it MEEDO head ag ni Mayor William Lachica sa pagahimuon nga meeting makaron nga adlaw ro raya nga problema.
