Davao City- Arestado sa mga opetiba sa Mandug Police Station ang police auxiliary sa pagpamaligya’g shabu sa gilusad nga buy bust operation sa Bypass Road, Sitio Balite, Barangay Buhangin, Buhangin District, Davao City.
Giila ang suspek nga si GENER CEBALLOS BANTAYAN alias “NER”, top 6 regional level drug personality ug 25 anyos ug taga- Barangay Cabantian, Buhangin District, Buhangin Davao City.
Sumala sa Davao City Police Office ( DCPO), nakumpiska atol sa gilusad nga operasyon ang duha ka gramos sa o suspected “shabu” nga adunay estimated street market nga P 32,000.00 ug lima usab ka gramos sa dahon ug liso sa marijuana nga anaa sa P2,500 ang estimated market value, caliber .38 revolver, mga bala, mobile cellular phone ug Honda motorcycle RS 125 sa suspek.
Kasong paglapas sa RA 9165 ug RA 10591 ang ipasaka batok sa suspek nga anaa karon sa kustodiya sa Mandug Police Station.
RadyoMaN Aimee Guinita
Facebook Comments
