Davao City – Gipahimangnoan sa Department of Social Welfare and Development (DSWD) Region XI ang publiko nga direkta silang kontakon o adtoon alang sa bisan unsang reklamo kabahin sa family food packs, imbes ipaagi sa social media. Ang pahimangno gibuhat sa ahensya niadtong Miyerkules, Oktubre 22, 2025.
Sa interbyu sa DXDC News Team, giingon ni DSWD XI Regional Director Rhuelo D. Aranadas nga wala sila nagapanghatag og daang stock nga bugas o pagkaon nga makadaot sa lawas sa tawo.
Ang pamahayag misunod human mahimong viral ang video sa usa ka vlogger sa Davao Oriental nga nagreklamo sa bugas nga gihatag sa DSWD ug nakadawat og summon tungod niini.
Gidugang ni Aranadas nga abli ang ilang opisina alang sa pagpaminaw sa mga reklamo ug panawagan sa pagtinabangay, aron makab-ot dayon ang pagbangon sa mga biktima sa kalamidad.
RadyoMaN Gretchel Egut
Facebook Comments
