Kalibo, Aklan – Ginahueat eon lang nga mapermahan ko National Food Authority (NFA) Council rong Memorandum Circular para sa Suggested Retail Price (SRP) it bugas agod nga hika implementar man it Department of Trade and Industry (DTI) Aklan.
Suno kay Ma. Carmen Ituralde, Provincial Head it DTI-Aklan nga may una eon nga SRP para sa bugas ugaling bukon para it permado.
Kung ma permahan eon daya ro suggested retail price para Regular Milled Rice (Local) hay P 39.00 per kilo; Well Milled Rice P 44.00 pero kilo; Imported Rice P 44.00 per kilo; Premium Rice P 47.00 per kilo ag sa Imported Rice hay rong PG1 P 43.00 per kilo; sa PG 2 hay P 40.00 per kilo ag sa Specail Rice hay no suggested retail price.
Dugang pa ni Ituralde nga magiging kaibahan rong DTI sa pag disiminar it impormasyon ag pag monitor sa bugas apisar nga raya hay sa hurisdiksyon kung Department of Agriculture bangud nga rong Secretary it DTI hay imaw man rong Chaiperson it National Price Coordinating Council (NPCC).
Samtang sa pihak nga parete, maga umpisa man makaron nga adlaw rong andang pag monitor sa mga tindahan kung prime basic commodities.
Sa presyo it Ham hay may una nga pagtaas kumpara ko nagtaliwan nga dag-on kamana man rong mga Noche Buena products kapareho it fruit cocktail, cheese, keso de bola, sandwich spread ag mayonnaise.
Rong presyo it mga macaroni ag spaghetti sauce hay nagapabilin mat a sa anang presyo.
Sa mga gusto nga makita ko suggested retail price it mga baeak-eon hay bisitahon eamang rong website it DTI nga www.dti.gov.ph. <www.dti.gov.ph/?fbclid=IwAR2BM6QgYhum_pTn8m6yuh4gZHH8R4-Fj-6MARQOWpCMoCmNki2CM9L-aFo>
