TACLOBAN CITY – Diri pa sadang mabaraka an mga mulopyo ha Eastern Visayas durante han pagpatuman han balaud nga Tax Reform for Accelaration and Inclusion o kun TRAIN Law, ini in sumala ha Department of Trade and Industry Regional Office 8.
Sumala kan Francisco Paragatos, Regional Divisions Chief han Consumer Welfare Division han DTI-8, waray pa rason nga magpapahataas hin presyo ha iba nga mga parapliton an mga negosyante mahitungod nga an daan paman nga inventory iton ira ginbabaligya ha merkado.
An ginbabantayan yana han DTI nga produkto in an mga milk based, sugar based, ngan sugad man an mga sardinas.
Pahimatngon pa han opisyal, nga nagmomonitor an DTI Region ha mga presyo han pauna nga parapliton ilabi na ha mga dagko nga grocery ngan supermarket. Pwedi ig-reklamo han mga consumers ha pinaka harani nga negosyo centers an mga negosyante nga nagsisingabot ha pagpatuman han TRAIN Law.
Dugang pa han opisyal, diri sakop iton ira buhatan ha pagmonitor ha presyo han softdrinks.
