General Santos City— Sikop sa gipahigayong search operation sa Philippine Drug Enforcement Agency (PDEA) sa may Brgy.Calumpang, ning dakbayan.
Sumala kang PDEA 12 Director Gil Castro nga ala una pasado ang takna sa kadlawon dihang gihimo ang operasyon sa may Purok Fernandez, Brgy. Calumpang, ning dakbayan partikular na sa panimalay nilang Amie Lucot Alias Amelita nga anaa sa watchlist sa pdea, 43 anyos ug kaipon niining si Dominic Dumapias, 45 anyos.
Nakuha gikan sa ilahang panimalay ang dili muubos sa duha ka gramo sa gituuhang shabu nga gibana-banaang anaa sa 10mil ka pesos, paraphernalia ingon man usa ka cellphone.
Kasong paglapas sa Section 11 sa Article II sa R.A 9165 ang nakatakdang ipasaka sa mga nahisgutan nga kasamtangang anaa sa lock up cell sa PDEA12.
