Davao del Norte – Naangol ang usa ka barangay kagawad samtang ang usa patay sa natigayong pagpamusil sa managlahing lugar sa Compostela Valley Province.
Biktimang naangol giila nga si barangay kagawad Diosdado Ramos, barangay kagawad sa barangay poblacion, Maragusan Comval Province, human gipusil sa wala mailhing suspetsado alas 7:45 ang takna sa buntag. Si kagawad ramos naigo sa iyang likod human gitira sa duha ka wala mailhing lalaki sa Barangay Mauswagon gamit ang .45 kalibreng pistola sa wala pa masayring rason.
Samtang patay usab si barangay kagawad Cesar Palos, 56 anyos, barangay kagawad sa Brgy. Anitapan, Mabini Compostela Valley Province, human gipusil-patay sa wala mailhing suspetsado.
Subay sa report sa kapolisan sa Mabini, natigayon ang pagpamusil sa biktima alas 7:00 ang takna sa buntag sa Special Barangay Manasa, Anitapan, Mabini.
Base sa imbestigasyon, dili pa lang dugay nakagikan sa ilang pinuy-anan ang biktima sakay sa iyang motorsiklo sa dihang nahitabo ang pagpamusil nga miresulta sa iyang kamatayon.
RadyoMaN Jules Catisay
