Davao City – Nasikop sa kapolisan sa Sta Ana ang duha babae human kini positibong napalitan og shabu atol sa gilusad nga buy bust operation alas 6:00 sa kagabhion didto sa Carpel Pension House Quirino Avenue syudad sa Davao.
Subay sa report gikan sa Sta Ana Pnp naila ang dinakpan nga mao sila si Doneza Bonzot alyas Donna, hingkod ang edad ug laing usa ka Marilyn Rasonable, 25 anyos pareho nagpuyo sa Purok 7 Santiago, Brgy Indangan ning dakbayan.
Nakuha sa mga dinakpan ang pito ka medium size sachet nga gituohang shabu, usa ka rectangular sachet nga gituohang shabu, usa ka pouch ug sa ka unit cellphone nga maoy gigamit sa mga suspek sa iligal nga binuhatan.
Ang duha ka mga dinakpan balhug na sa Sta Ana Pnp ug ipasaka na karong adlawa sa kapolisan ang kasong kalapasan sa RA 9165 Comprehensive Dangerous Drugs Act of 2002 batok kanila.
Radyoman Don Pulayao
