Patay ang duha ka lalaki human nga mabanggaan ang gisakyang motorsiklo sa ten wheeler truck sa Sitio Maitom, Upper Puerto ning syudad kagahapong adlawa.
Biktima mao si Felipe Mediquillo, trabahante sa Rebisco, minyo, taga Lunocan Manolo Fortich Bukidnon, samtang ang angkas nga kauban niini ang wala pa maila.
Nasayran nga boluntaryong misurender sa Police Station 6 Puerto ang driver sa ten wheeler truck nga si Arnold Lobitania, 41 anyos, taga Damilag, Bukidnon human nga mabanggaan ang mga biktima.
Basi sa inisyal nga imbestigasyon nga samtang pabahada ang ten wheeler truck padulong sa Bugo ning syudad aron ihatud ang mga kargang pinya, kalit nga mitabok sa pikas linya ang gikatabong motorsiklo hinungdan sa kamatayon sa mga biktima.
Sakay ang mga biktima sa usa ka Honda X-R-M nga motorsiklo nga wala matud pay plate number.
Kasamang Mishelle Mesias-Enloran
