Duha ka tawo ang pilason sa pagbunggo sang tanker truck sa traysikol kag waiting shed sa Crossing Valderama Brgy. Luna, Cadiz City, ala-una sang hapon, Agosto 5.
Gikan sa Bacolod City kag padulong sa Escalante City ang tanker nga ginamaneho ni Allan Atillo, 53-anyos sang Mandaue, Cebu sang ini ang nagbunggo sa traysikol nga gina-maneho ni Arvie Densing, 37 sa diin sakay ang isa ka napilasan nga si Rose Ann Galang, 21.
Ginapahayag nga nabungguan sang tanker ang traysikol sang ini hinali nga nag U-turn. Matapos nabungguan ang traysikol, nagbunggo pa gid ang tanker sa waiting shed sa diin nagahulat sang bus ang isa pa ka napilasan nga si James Colonia.
Gindala ang mga biktima sa Cadiz District Hospital apang si Colonia ang ginsaylo sa hospital sa Bacolod. Yara naman karun sa kustodiya sang Cadiz City Police Station si Atillo kag natalana pasakaan sang kaso nga reckless imprudence resulting to physical injuries and damage to property.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
