Nasikop sa Criminal Investigation and Detection Group o CIDG and duha ka wanted person sa managlahing operasyon.
Matud ni CIDG Chief Investigator SPO4 Noel Oclarit nga ilang nasikop kaganihang udto sa Zone 7, Bulua ning syudad sa Cagayan de Oro si Jess Mercado, 48 anyos, minyo ug usa ka fixer sa LTO.
Si Mercado dunay warrant of arrest tungod sa kasong pagsupak sa Republic Act 9262 o Anti-Violence Against Women and Their Children Act ug dunay piyansa nga 120-mil pesos.
Samtang laing wanted person ang nasikop kagahapong adlawa nga mao si Andreo Balahadya, 29 anyos nga taga San Martin, Villanueva, Misamis Oriental.
Si Balahadya usa ka mag-uuma nga dunay warrant of arrest sa pagsupak sa Republic Act 7610 o anti-child abuse law ug dunay piyansa nga 180-mil pesos.
By: RadyoMaN Annaliza Amontos-Reyes
