Duha ang patay ug upat ang kritikal sa nahitabong vehicular accident sa Barangay Kabulawan, Lagonglong, Misamis Oriental mga alas dos kagahapon sa hapon.
Kini ang gikumpirmar ni Police Captain Marlo Lanioso, Officer In-Charge sa Lagonglong Municipal Police Station sa interview sa dxCC-RMN.
Matud ni Captain Lanioso nga nag U-turn ang motorized sikad sa nasangpit nga lugar ug nabangga sa Pabama bus nga paingon unta sa Gingoog City.
Dead on arrival sa ospital ang driver sa motorized sikad nga si Efren Cabegon, taga Salay, Misamis Oriental ug namatay samtang gitambalan sa ospital ang sakay sa motorized sikad nga si Anisita Hudiriko nga taga Davao City.
Samtang padayong gitambalan sa ospital ang laing upat ka biktima nga silang Jane Cabegon, 17 anyos,
Edita Baldesanso, Francis Huridiko ug Helbert Rekayos.
Magpalit unta sa bulak sa patay ang mga sakay sa motorized sikad sa dihang nahitabo ang insedente.
Gidugang ni Captain Lanioso nga mag-atubang sa kasong reckless imprudence resulting to homicide and serious physical injuries ang driver sa bus nga si Reymundo Mendoza, 40 anyos, nga taga 18A, Gingoog City.
