Boracay Island — Sambilog rong patay ag ap-at rong ninahan sa natabong aksidente kabii sa isla it Boracay.
Ro namatay hay ginkilaea kay Tony Sultan, 67-anyos, sangka muslim ag residente it Sitio Ambolong, samtang rong mga ninahan nga ginpangdaea sa sangka hospital iya sa banwa it Kalibo hay sanday Norberto Villamor, 48-anyos ag taga Sitio Tolobhan; Abdomi Balanggi, 16-anyos; Shaileen Ninto, 14-anyos ag Eric Roberto, 39-anyos tanan residente it Sitio Ambolong, Brgy. Manocmanoc, Boracay.
Nakilaea mat-a rong driver it E-trike nga si Lazaro Daguno, 47-anyos it Sitio Lapus-Lapus, Brgy. Balabag.
Base sa impormasyon nga nabuoe it RMN Kalibo ag iFM Boracay sa Boracay Tourist Assistance Center(BTAC) pinaagi kay PO1 Amar nga nagapaeosub ro e-trike sa paubuson nga parte it national highway kung Sitio Ambulong, Brgy. Manocmanoc tag ma lost brake raya.
Una nga gin pang sunggaban it e-trike ro mga saeakyan nga una sa anang prente pati ro mga biktima ag bago sumunggab sa concrete post.
Nasayuran nga ro nasambit nga E-trike hay bag-o pa eang nga guwa ag gina test drive.
Sa makaron hay una eon sa kustodiya it BTAC rong driver ag rong e-trike para sa naga kaigo nga disposisyon.
