Kalibo, Aklan — Naka ICU makaron rong sangka eaeaki matapos nga maeab-an kabii sa may Inocencio Road, Brgy. Estancia, Kalibo, Aklan.
Ro biktima nakilaea kay Rogen Pelante, 34-anyos, residente it nasambit nga lugar ag nakaangkon it tama it pag-eabo sa tuo nga parte it dughan ag sa naibabaw nga tuong butkon.
Samtang rong mga suspek nakilaea kanday Louie Octabio, 35-anyos, Bert Magarzo, 36-anyos, Ariel Inac sa legal nga edad ag Ben San Miguel, 63-anyos tanan residente man it nasambit nga lugar.
Daywa sa mga suspek hay insigida man nga naaresto.
Padayon pa makaron rong imbestigasyon it Kalibo PNP angot sa nasambit nga krimen.
Facebook Comments
