Boracay Island — Padayon makaron nga ginabueong sa Aklan Provincial Hospital rong sangka eaeaki matapos nga mabun-an kabii sa isla it Boracay.
Nakilaea rong biktma kay Richard Casimero, 36-anyos ag tubong Hambil Romblon, nga nakaangkon it tama it pagbuno sa tiyan, li-og, dughan ag likod samtang rong suspek nakilaea kay Marvin Torres, 25-anyos it Palali, Banga, pareho nga naga trabaho sa sangka laundry ag temporary nga naga istar sa Sitio Cagban, Manocmanoc.
Suno kay PO2 John Mark Salazar it BTAC nga kabii hay nakabaton sanda it tawag halin sa Ciriaco Tirol Hospital nga may una nga biktima it pagpamuno ag insigida gin respondehan.
Sa pagpangusisa nasayuran nga nag-inuman rong daywa tapos nagdiskusyon ag natabo rong pagpamuno.
Padayon pa makaron rong follow up investigasyon it kapulisan angot sa nasambit nga krimen.
