Madalag, Aklan — Patay rong sangka eaeaki matapos nga mabun-an kaina it aga-aga sa sangka namatyan sa Brgy. Cabangahan, Madalag, Aklan.
Nakilaea rong biktima kay Reil Nacuspag y Naabay, 28-anyos, residente it Brgy. Alas-as, Madalag ag nakaangkon it tama sa waea nga dughan samtang rong suspek nakilaea kay Jovanie Salvador , sa legal nga pang edaron ag residente it Brgy. Cabangahan.
Suno kay PO2 Edmund Olid it Madalag PNP nga kaina hay nakabaton sanda it tawag halin PB Gerome Sibugan nga may natabong pagpamuno sa lugar ag insigida man nga gin respondehan.
Naga guwa sa andang imbestigasyon nga kaina samtang nagahampang ro biktima it sugae sa namatyan hay gulpi nga umabot ro suspek ag uwa it kung anu-ano hay binuno ro biktima.
Gintinguhaan pa raya nga madaea sa hospital pero gin deklara nga dead on arrival bangud sa patal nga tama.
Rong suspek hay boluntaryo nga nag surrender kay PB Sibugan ag gin tun-over dayon na Madalag PNP kaeakip ro anang kutsilyo nga gin gamit.
