Kalibo, Aklan — Arestado rong sangka eaeaki matapos nga magtuga it alarma ag eskandalo ag madakpan it baril kaina it hapon sa Sitio Bung-aw, Brgy. Manocmanoc, Boracay, Malay, Aklan.
Nakilaea rong suspek kay Sanday Casalan y Golez, 27-anyos ag native it Sibalum, Antique.
Sa report it BTAC nga kaina it alas 4:00 rong hapon hay nakabaton sanda it tawag halin kay Ricky Libratar nga naga request it police assistance bangud may una nga sangka uwa makilaeang eaeaki rong nag gabot it uwa masayuring kalibre it baril.
Insigida nga nagrespon de rong BTAC Police sa pagpanguna ni PO3 Malicse ag naaresto rong suspek.
Sa imbestigasyon naga guwa nga mga alas 3:30 kaina it hapon rayang si Sanday Casalan ag ro daywa pa nana ka mga kaibahan nga uwa makilaea hay na obserbahan nga hilong kung sa siin nag agi sa guard outpost nanday S/G Libratar ag S/G Dela Cruz Jr.
Nakibot eamang ra sanda tag ro suspek hay gumabot it baril ag pinaeopok paubos.
Pag-abot it mga nag respondeng pulis hay ginturo rong suspek ag andan g gin eagas nga naga bitbit pa it baril paadto sa boarding house.
Na recover do nasambit nga baril nga gintago sa idaeom it kueon nga sangka Smith and Wesson 357 Magnum.
Ro nasambit nga suspek hay kulong sa lock up cell it Boracay Police Station ag magapangatubang it kaosng pagbayolar sa Section 28 R.A. 10591.
