Kalibo, Aklan — Nagreklamo sa Kalibo PNP rong sangka misis matapos nga gingunting ro anang legging ag underwear samtang nagakatueog sa sueod it anang stall nga nahamtang sa Veterans Avenue, Kalibo.
Suno sa kay Glenda Ramos, 25-anyos nga kahapon it aga-aga samtang una imaw sa sueod ko anag pwesto nagakatueog nahabugtaw imaw bangud nga medyo may naga hulikap sa anang pribadong parte it eawas.
Pag muk-eat nana, anang nakita rong sangka eaeaki nga uwa man nana makilaea nga una eot-a sa sueod it anang pwesto ag may ginuntingan eon roa anag legging sa prente kamana man sa anang underwear.
Matapos raya hay insigida imaw nga nag singgit para magpangayo it bulig samtang ro nasambit nga eaeaki hay madasig man nga nagpaeagyo.
Facebook Comments
