Dakop ro sangka eaeaki ko ging tingob nga pwersa it mga otoridad sa pagbaligya it iligal nga droga sa Sitio Tambisaan, Manocmanoc, Boracay kabii.
Ging kilaea ro suspek nga si Ericson Villanueva, 30-anyos it Andagao, Kalibo ag temporaryo nga naga istar sa nasambit nga lugar.
Habakean do suspek it nagpakuno-kuno nga poseur buyer it sangka sachet it shabu kabaylo ko P500 nga buy bust money ag habue-an pa gid daya it daywang ka sachet it suspected shabu matapos do ging himo nga body search kana.
Kaso nga pag-eabag sa Sec. 5 ag Sec 11, Article II of RA 9165 sa pagbaligya it iligal nga droga ro igakaso kay Villanueva.
Facebook Comments
