Libacao, Aklan — Patay eon tag maabtan ko myembro it Libacao PNP rong biktima it pag-eabo nga nagtuhaw kabii sa Brgy. Bonza, Libacao, Aklan.
Suno kay PO2 Avilar it Libacao MPS nga nakilaea rong biktima kay Melvin Tinong, 32-anyos ag residente it Brgy. Calamcan nga nakaangkon it tama sa li-og samtang rong suspek nakilaea kay John Rano, 36-anyos ag residente mat-a it Brgy. Bonza sa nasambit nga banwa.
Sa imbestigasyon it Libacao PNP naga guwa nga halin rong daywa sa baeay ni Punong Barangay Danny Villorente nag-inuman as samtang nagapauli hay gumabot it siyaw si Melvin ag gulpi nga binuno si John nga uwa it rason.
Nakalikaw John rason nga nakagabot raya it sanduko ag linabo si Melvin.
Nasayuran nga nabuhayan man sa pagpangayo it responde sa Libaco PNP rason nga naubusan it dugo ro biktima nga gintunaan ko anang kamatayon.
Eagi man nga nag surrender rong suspek kay Punong Barangay Villorente kung sa siin ana man nga gin ako rong nahimong krimen.
Detained sa lock up cell it Libacao MPS ro suspek ag magapangatubang it nagakaigong kaso.
