Davao City – Nigawagas sa inbestigasyon sa S.I.R Fire Station nga electrical ignition due to electric short circuit ang hinungdan sa sunog sa usa ka balay nahitabo niadtong Sabado alas 10:30 sa buntag sa Purok 22-D, Narra Street, Kalubihan,Barangay 76-A, Davao City.
Sa interview sa DXDC RMN Davao kang Police Captain Ronnie Batingal, Deputy Chief sa Ecoland Police Station gisulti niya, ang balay nga nasunog gipanag-iyahan sa usa ka Ritchie Sator Santorna, hingkod ang edad.
Sumala pa inisyal nga inbestigasyon, nadiskobrehan sa tag-iya sa balay alas 10:30 sa buntag sa iyang pagpauli nga nasunog na ang grid sa kuryente ug ang metro niini nga gibutang sa bong-bong sa kusina nga na-apil pagkasunog ang bahin sa kusina.
Gi-respondehan dayon sa mga sakop sa BFP S.I.R, Central 911 Fire Rescue Team ug gideklarang fired out ang sunog alas 11:04 sa buntag og walay natalang nasamdan.
RadyoMaN Don Pulayao
Facebook Comments
