
Davao City – Nakuha sa Davao City ang pinakaubos nga inflation rate sa tibuok Davao region sumala sa Oktubre 2026 Davao Region Inflation Report gikan sa Philippine Statistics Authority (PSA) XI, niadtong Nobyembre 10, 2026.
Base sa datus sa PSA XI, nakakuha ang Davao City og 7.8% gikan sa 6.3 niadtong Agosto, diin mas gamay sab kini kon itandi sa nakuha nga inflation rate sa tibuok rehiyon sa Davao nga niabot og 9.7%, ug kini gisundan sa Davao Oriental nga dunay 9.9%, Davao del Norte nga 11.1%, Davao de Oro nga 11.2%, Davao de Occidental nga 11.7% ug Davao del Sur nga adunay pinaka taas nga inflation rate nga 12.8%.
Dugang pa nga ang pinakadakong nakaambag sa inflation sa dakbayan niadtong Oktubre mao ang pagkaon ug non-alcoholic beverages, housing ug utilities sama sa tubig, kuryente, ug gasolina, ug transportasyon.
Subay niini, gikan Enero hangtod Setyembre 2026 anaa na sab sa 5.6% ang kinatibuk-ang inflation sa dakbayan.
RadyoMan Wil Duran
Facebook Comments










