Gimanduan ni LtGen. Greg T. Almerol Commander sa Eastern Mindanao (EastMinCom) ang Joint Task Force (JTF) Haribon nga imbestigahan kini og maayo human nakaligis patay og duha ka sibilyan samtang tulo ang naangol sa KM 459 truck sa Task Force Davao.
Sa inisyal nga report, gi-unload sa maong military truck ang mga personahe sa TF Davao nga mubantay sa seguridad sa lugar ug giingong temporaryong gi-park kini sa drayber para sa personal necessities.
Apan kalit lang nisakay ug gi-drayban sa suspek nga si Crenenandy Cadiente ang KM truck ug nadasmagan ang mga nag-atang nga mga pedestrians sa kalsada ug ubang mga nakaparada nga mga sakyanan.
Gihulat pa sa militar ang mental health evaluation sa suspek.
Nagpaabot si Almerol sa iyahang pahasubo ug assistance sa pamilya sa mga casualties.
“While this incident is isolated, it is unfortunate that it happened while we are preparing for a festive celebration of Christmas. We extend our condolences to families of the victims. Be assured that we will not rest until you get the justice deserved by your loved ones,” segun niini.
Samtang, nangayo og pasaylo ang Task Force Davao ngadto sa pamilya ug sa publiko.
Giako sa TFD ang Full Responsibility sa makasubo nga panghitabo ug nakigkoordinar na sila sa mga pamilya sa nga biktima.
Mag-atubang og criminal case ang suspek nga si Cadiente samtang kasong administratibo sa drayber nga si PFC Patrick Trumata.
RadyoMaN Aimee Guinita
