Kalibo, Aklan — Kritikal makaron rong sitwasyon it sangka construction worker matapos nga bun-on kabii sa Sitio Bukid, Brgy. Tigayon, Kalibo, Aklan.
Ro biktima nakilaea kay Alvin Torres, 33-anyos ag residente it nasambit nga lugar kung sa siin nakaangkon raya it pito ka mga tama.
Samtang rong suspek nakilaea mat- a kay Ramonito Navarra, 42-anyos, sangka mekaniko ag residente it Calizo, Balete.
Sa imbestigasyon it Kalibo PNP nga nag adto sa sangka birthday party ro daywa kabii kun sa siin may nangpatunga nga mainitang diskusyon kanda. Gin bantayan it biktima ro suspek nga si Navarra nga mag guwa ag binayo rason nga bumaeos raya pinaagi sa pagbuno sa biktima.
Naaresto man it kapulisan si Navarra sa lugar matapos nga mag responde eagi ro Kalibo PNP samtang si Torres hay padayon nga gina obserbahan sa Panay Health Care hospital.
