Kalibo, Aklan — Patay rong sangka Aklanon Army matapos nga magtuhaw rong encounter kaina it agahon sa tunga kung grupo it Phil. Army ag New People’s Army sa Panuran, Lanbunao, Iloilo.
Sa report nga kainang mga alas 7:05 it agahon, rong grupo nga ginapangunahan ni 2LT. Ruel Duran it Phil. Army hay nagapatigayon it pre-emptive security patrol hay nah aka-encounter ro may kapin 20 ka mga CPP-NPA-Terrorists’ (CNTs) nga ginapanguhan ni Carl Teodosio alyas “Ami/Andoy” Commanding Officer it SPP, Baloy Platoon sa vicinity it Sitio Agilan, Brgy. Panuran, Lambunao.
Nagbuhay it may kapin 20 minutos rong engkwentro ag ko ulihi umatras rong mga CNTs paadto sa direksyon it Aglobong, Agcarope ag Panuran Janiuay.
Ro nasambit nga encounter hay nagresulta sa pagkamatay it sambilog sa mga miyembro it Phil. Army nga na identify kay PFC. Mark Nemis, samtang sa parte it kontra hay uwa pa ma determina.
Na recover sa natabuan it engkwentro rong 1 M16 long magazine, 5.56 ammunitions, 1 back pack ag mga subersibo nga dokumento nga may high intel value ag iba pang kagamitan it mga CNTs.
