Executive Order No. 28, ginpaguwa ni Mayor Lachica

KALIBO, AKLAN — Nagpaguwa eon it Executive Order No. 28 si Mayor William Lachica kahapon.
Ro nasambit nga Execuive Order hay para nga magbilog it task force para sa “Task Force Hawan” nga maga implementar it pagpanghawan ag pagpanglimyo sa mga nagapangunang karsadahon iya sa banwa it Kalibo santo sa Municipal Ordinance 2005-043 ukon ro traffic code it banwang Kalibo.
Suno kay Mayor Lachica nga raya rong ginapanan-aw nga sabat sa mabuhay eon nga problema ko magutok ag perming traffic nga mga karsadahon it banwa bangud sa gina ubrang parkingan ro karsada, ginabaligyaan ro kilid it karsada ag ginaubrang parking area ko mga establisyemento.
Pagapangunahan ro nasambit nga Task Force kung Head it Traffic Transport Management Unit (TTMU) nga si Mary Gay Quimpo Joel ag Kalibo PNP.
Samtang sa adlaw nga Lunes, Agosto 14, 2017 igapatigayon rong dry-run sa bag-ong ginaproponer nga traffic scheme it banwang Kalibo.
Kaeakip sa bag-ong traffic scheme ro One way street with one side parking with pay, Two Way Street, Overnight Parking, No Parking, No Left Turn, No U-Tturn ag No Entry.