KALIBO, AKLAN — Sambilog sa mga programa it Department of Agriculture hay ro Farm Mechanization. Raya ro ginpahayag ni Ms. Salome David, Provincial Agriculturist it Aklan sa pakikipag-angot it RMN DYKR Kalibo.
Suno kay David nga rayang programa hay ma-avail pinaagi sa andang opisina kung sa siin ro aton nga Provincial Government hay nag alokar it 10 milyon nga pondo para ibakae it mga farm equipments.
Ro mga maka-avail kara hay ratong mga farmers association/organizations nga nagpadaea it letter of intent sa anang opisina kung sa siin gina validate man eon raya ko andang Agricultural Engineer nga si Alexis Apolonio agod nga matan-aw kon kapable ro andang mga organisasyon.
Dugang pa gid ni David nga may una man nga programa ro anadang opisina nga Certified and Quality Seeds Subsidy nga may 10 milyon man nga pondo para taw an ro mga farmers it certified ag quality seeds.
Sa nagtaliwan nga 1st cropping may anda nga naha implement sa 3, 325 hectares nga taeamnan ag ro mga nabilin hay sa masunod man nga cropping.
Nagpanugyan man imaw nga ro mga farmers organization nga gusto maka avail hay bisitahon eamang ro opisina it Provincial Agriculturist nga nahamtang sa Provincial Capitol.
