Sangka Farm School ro gina balak makaron nga ipatindog it provincial government ko Aklan sa 6 hectare nga eogta it gobyerno sa Brgy. Nalook sa Kalibo.
Suno kay SP member Soviet Russia Dela Cruz nag-istorya eon sanda ni Senador Cynthia Villar kaangot kara kaibahan si Vice Governor Reynaldo Quimpo sa pagbisita nana sa Aklan ko SOPA ni Governor Florencio Miraflores.
Do daya nga eogta sa Nalook hay may una eon suno kay Board member Dela Cruz nga mga pananom nga mga fruits tress nga maeapit sa BJMP.
Kung madayon do nasambit nga plano hay makikipag-buligan sanda sa TESDA para nga mas mataw-an gid it manami ag maayos nga training do mga estudyante parte sa farming.
Samtang ging kalipay man suno it Board member ni Sen. Villar do anda ngara nga plano ag kung sa siin gina imbitahan pa sanda nga bisitahon do andang Villar Sipag Farm School sa Las Piñas para makabuoe it ideya para sa nasambit nga plano.
Image by: World Bank Group
