Fertility Rate sa mga kababayen-an sa Pilipinas, anaa nalang sa duha ka bata

Real People: Hands Holding Caucasian Sleeping Newborn Baby Girl
Miubos sumala pa sa Commission on Population (POPCOM)-Region X ang Fertility Rate sa mga kababayen-an sa nasud sa Pilipinas karong tuiga nga anaa nalang sa average nga 1.9 kon duha ka mga bata matag babae.

Sa interview sa RMN Malaybalay ngadto kang POPCOM-Region X Director Aldrin Omega, gibutyag niya nga karong tuiga gi-conduct sa Philippine Statistics Authority (PSA) ang National Demographic and Housing Survey diin gitan-aw ang gidaghanon sa anak sa mga kababayen-an.

Dinhi sumala pa nasuta nga ang average children per woman, anaa nalang sa 1.9 kon duha ka mga bata.

Dako sumala pa kini nga oportunidad ilabi na sa paglambo ug pagsaka sa ekonomiya sa nasud.

Kini resulta sa pag-usab sa chain sa population structure gikan sa daghan nga mga bata nga gisuportaan ug ubos ang ihap sa working population ngadto sa gamay nalang nga mga dependents ug pagtaas sa ihap sa working population.

Mas musaka usab sumala pa ni Omega ang productivity rate gumikan sa maong pag-ubos sa fertility rate sa mga kababayen-an.



Gikasayran nga gikan sa 2.7 average children per woman adtong 2017, miubos nalang kini sa 1.9 karong tuiga.

Facebook Comments