Kalibo, Aklan — Uwa it mga daeagko nga problemang na encounter rong COMELEC-Aklan sa pag file it Certificate of Candidacy ko mga maga kandidato sa Barangay ag SK Elections.
Raya rong ginpahayg ni Mr. Crispin Raymund Gerardo rong Public Information Officer it Comelec Aklan sa pakikipag-angot kana it RMN DYKR Kalibo sa programang Straight-to-the-Point.
Suno kana nga kon may una man nga mga problema nga nagtuhaw raya hay tag mga maintok eamang nga naayos man eagi.
Kon matandaan nga gintaeana it Comelec ro Abril 14 hasta it 20 sa pag file it COC kon sa siin ro Abril 18 gid ro nagdagsa ro mga nag file bangud nga naga pati sanda nga rato rong adlaw nga swerte kanda.
Nagpadumdom man si Gerardo sa mga may plano pa nga mag file it COC nga indi eon paghueaton pa rong last minute ag mag adto sa opisina it Comelec agod nga malikawan rong inconvenience.
Dugang pa gid nana dapat maging sports eang sa tyempo it eleksyon bangud raya umaeagi eamang ag pagtapos it eleksyon hay balik man sa normal rong relasyon it magkapamilya.
