General Santos City–Hapsay ug malinawon ang filing sa certificate of candidacy sa Cotabato City, ang syudad nga kanhi nailhang daghang treath group.
Sumala ni Police Senior Supt Rolly Octavio- City Director sa maong syudad, walay mga kakuliang natala may kalabutan sa COC filing sukad pa niadtong petsa 11 sa Oktobre.
Dugang pa sa opisyal nga ilang ginatan-aw ang tanan nga mga posibilidad ug kung dunay mutumaw nga problema gilayon man nilang ginaaksyonan.
Gahimo na ug lakang karon ang cotabato PNP aron mapanigurong malinawon ang lugar gikan karon hangtud sa panahon sa kampanya ug sa mismong adlaw sa piniliay.
kalabot niini dili pa matumbok ni Octavio ang mga lugar sa ilang syudad nga ikonsiderang hot spot o areas of immediate concern. Gani dili pa usab niya madetermina kung makonsidera bang init ang pulitika sa ilang syudad sa pagpakakaron.
kahibaluan nga subling nagpapili sa susamang posisyon ang kasamtangang mayor nga si Cynthia Guiani og posibleng makaatbang ang kanhi nilang congressman.(Jordan Britos)
