FOLLOW-UP REPORT|Daan nga bingkil motibo sa pagpatay sa umagad sa iyang ugangan

24

Glan. Sarangani Province—Daan nga bingkil ang motibong natumbok karon sa Glan PNP kalabutan sa pagtigbas patay sa umagad nga si Norman Cania Diamola, 27, mag-uuma, residente sa Purok Miasong Bawi, Barangay Tango, Glan, Sarangani Province ngadto sa iyang ugangan nga si Maximo Abnaway, 45 anyos, mag-uuma ug residente sa maong lugar.


Matud ni Police Lt. Col. Niel Wadingan, Hepe sa Glan PNP, subay matud pa sa pahayag sa suspek, gisulong matud pa siya sa iyang ugangan. Tungod niini natigayon ang panaglalis tali sa biktima ug sa suspek nga misangko sa pagpanigbas nga miresulta usab sa kamatayon sa biktima.

Kahinumduman nga alas 9:00 sa gabii niadtong Myerkules nahitabo ang insidente didto mismo sa panimalay sa suspetsado.Dugang pagbutyag ni Wadingan nga human nahimo sa suspek ang krimen, gilayon kining misurender ngadto kang Barangay Tango, Glan kapitan Silvano Dapidran.

Ang Kapitan na usab maoy mi-turnover ngadto kaniya sa buhatan sa Glan Police Station. Giangkon man usab sa suspek nga dugay na silang may bingkil sa iyang ugangan.

Gikumperma usab niini nga pila na ka higayon nga gihimo sa biktima ang pagpangharass kaniya hilabina kung kini mahubog mao nga wala na kini makaagwanta pa iya gyud kining.

Gikumperma usab ni Police Lt. Col. Neil Wadingan nga wlay planong mopasang-at ug kaso nag pamilya sa biktima batok sa suspek. Sa karon matud pa ila nalang gihuwat nga mogawas ang waiver of detention aron nga makagawas na sa prisohan ang suspek.

Samtang gibutyag pa ni Wadingan nga kasagaran basta anaa sa tribo ang mga nahilambigit sa insidente, gina-areglo nalang sa ilang mga elders sama nalang sa nahitabo sa kaso sa biktimang si Abnaway ug Diamola.




Facebook Comments