Frequencies ng ABS-CBN, binawi na ng NTC

Binawi na ng National Telecommunications Commission (NTC) ang frequencies ng ABS-CBN.

Ito’y matapos maglabas nang desisyon ang NTC na bumabawi sa frequencies ng ABS-CBN Corporation.

Ang ginamit na basehan ng NTC ay ang kawalan pa rin ng congressional franchise ng media giant.

Kabilang sa pinababawi ay ang lahat ng AM at FM stations at mga TV channels.

Ang desisyon ay pirmado nina NTC Commissioners Gamaliel Cordoba, Edgardo Cabarrios at Delilah Deles.