Boracay – Ginkaalarma makaron it Friends of Flying Foxes (FFF) rong pagsangkiri ag sa kritikal nga sitwasyon it mga “fruit bats” ukon kabog sa Brgy. Yapak, Boracay.
Suno sa Friends of Flying Foxes nga bangud sa madasig nga development sa parte it Brgy. Yapak ag iba pang parte it isla hay naghaealin ro mga kabog nga kato hay linibo kon imo raya nga makita.
Dugang pa gid nanda nga bukon it maeayo nga pati ro mga amo (monkey) sa lugar hay madueaan man it maistaran ag magakaeaduea kon magapadayon rong pagguba it bukid bangud sa developments.
Sa andang obserbasyon, sa “critical habitat” ag “endangered” eon ro mga specie it kabog ngara nga kung tawgon hay Golden Crowed Flying Fox ag ginakabig man nga flying farmers.
Bangud kara, magapatawag it committee hearing rong Sangguniang Bayan it Malay sa pagpanguna ni SB Member Nenette Aguirre-Graf, Committee on Environmental Protection para istoryahan ro nasambit nga concern.
Pagatalakayon it Committee on Laws, Ordinances, Rules and Privileges nga ginapamunuan ni SB Jupiter Aelred Gallenero, at Committee On Tourism Industry, Trade, Economic Enterprise and Cooperatives nga pagpanguna ni SB Dante Pagsuguiron.
