Davao City – Daghang mga kaso ang ‘gang’ leader nga napatay sa kapolisan sa Calinan syudad sa Davao niadtong miaging semana. Sumala ni Police Chief Inspector Michael Uyanguren, Station Commander sa Calinan PNP, ang gang leader nga si Joshua Dorna alyas ‘Sinsuwe’, daghan og kaso nga natala sa ilang buhatan sama sa Alarm of Scandal, Concealment of Deadly Weapon, Extortion ug Robbery.
Matud ni Uyanguren, ang ‘gang’ leader nga napatay nalambigit sa riot sa ilang area of responsibility ug nagapangilkil sa mga traysikad, jeep driver ug mga negosyante nga kung dili muhatag ilang harason.
Kahinumdoman, sa dihang gisilbi sa kapulisan ang warrant of arrest sa suspect sa Datu Abing St. Calinan, ning dakbayan matud pa nisukol sa mga otoridad pinaagi sa paghulbot sa iyang armas dayon og pusil sa duha ka police hinungdan sa pagkasamad ni Police Officer 1 Lumagbas rason nga mibalos pagpusil ang mga police nga miresulta sa kamatayon sa gang leader.
Sa pikas bahin, dili motoo ang ginikanan sa namatay nga misukol ang iyang anak kundi gituyo pagpatay.
RadyoMaN Don Pulayao
