General Santos City–Giandam na sa kapolisan ang kasong frustrated murder ngadto na sa suspek nga si Jonathan Mariano, 32 anyos, residente sa purok 3, Barangay Landan, Polomolok, South Cotabato kansa maoy gitudlo sa biktimang si Joey Dapito, 46 anyos, residente usab sa susamang lugar nga maoy mitigbas kaniya sa ulo.
Kahinumduman nga una ng gitigbas ang biktima sa suspek gamit ang sundang alas 10: 30 sa gabie niadtong adlaw nga Biyernes sa Purok 3, Barangay Landan samtang pauli na ang nasampit sa ilang panimalay kalit lang matud pang miharang sa dalan ang suspek nga anaa sa impluwensiya sa ilimnong makahubog duna matud pay nahitabong panaglalis tali sa duha nga miresulta sa pagpanigbas.
Nakaangkon og samad tinigbasan sa ulo ang bikima nga sa pagkakaron luwas na usab sa makuyaw nga kahimtang.
Samtang gihingusgan usab sa suspek nga wala niya gitigbas ang biktima gani siya pa ang nagtabang sa nasampit gumikan kay gikulata kini sa duha ka mga tawo og napasinganlan lang kini tungod kay duna pud siyay dala nga sundang niadtong higayona.
Nagtuo ang suspek nga si Jonathan Mariano nga duna nay samad daan ang biktima gumikan ky gikan matud pa kini sa Kalyong, Barangay Landan og hubog usab ang biktima.
Sa kasamtangan nagtingkagol ang suspek sa selda sa Polomolok Municipal Police Station. (Reynald Timario)
