Tila hinahamon ng mga riding in tandem snatcher ang ating mga kapulisan sa lungsod dahil muli na naman silang umatake at isang ginang ang kanilang nahablotan ng mamahaling cellphone kamakalawa ng gabi. Kinilala ang biktima nasi Manilyn Macion 33 anyos na residente ng PC HILL, nakuha ang kanyang Huawie smartphone na nagkakahalaga ng 15,000 pesos. Ayon sa blotter, pasado alas otso ng gabi sakay umano siya ng pampasaherong multicab na pauwi na sana ng PC Hill ng pagsapit sa kanto ng Sinsuat avenue at Malibakao area ay bigla silang dinikitan ng riding in tandem snatchers at mabilis na hinablot ang kanyang cellphone.Ganun din ang description ng motorsiklo na sinasakyan ng mga suspect na isang kulay itim na Honda XRM na walang plaka.Nagsasagawa na ng follow up ang City PNP sa galaw ng mga suspect.
