MOISES PADILLA – Target gid sang mga gunmen si Jerry Torga, 56 anyos sang Bario Daan, Barangay Guinpana-an kag gintiro nalang si Leonardo Villagracia, 34 anyos sang Sitio Balunggay, Barangay Montilla.
Ini ang nagaguwa sa imbestigasyon sang Moises Padilla PNP paagi kay PCInsp. Josuah Villasis sa diin para sa ila si Torga lang kon tani ang target apang sang nagpalapit si Villagracia sa mga gunmen, gintiro man ini.
Patay sa insedente si Torga samtang pilason naman si Villagracia nga may igo sang bala sa tuo nga abaga kag wala nga kilid.
May ara sang duha ka mga motor nga gingamit sang apat tanan ka mga suspek.
Nakuha sa crime scene ang napulo tanan nga basiyo sang kalibre .45 nga pistola.
Facebook Comments
